• अर्थ सरोकार सम्बाददाता 

काठमाडौं । भारतमा कोरोना भाइरसको संक्रमण तीव्र गतिमा फैलिने क्रम जारी छ । स्वास्थ्य तथा परिवार कल्याण मन्त्रालयका अनुसार बुधबार एकैदिन झण्डै १० हजार मानिसमा संक्रमण पुष्टि भएको छ । बुधबार ९ हजार ९८५ संक्रमित थपिएसँगै भारतमा कुल संक्रमितको संख्या दुई ७६ हजार ५८३ पुगेको मन्त्रालयले जनाएको छ । बुधबार कोभिड–१९ बाट २७९ जनाको मृत्यु भएसँगै भारतमा ज्यान गुमाउनेको कुल संख्या सात हजार ७४५ पुगेको छ ।

कुल संक्रमित मध्ये एक लाख ३५ हजार २०५ जना संक्रमण मुक्त भएर घर फर्किएका छन् । भारतमा हरेक दिन परीक्षणका लागि एक लाख ५० हजार भन्दा बढी नमूना संकलन हुने गरेको सरकारी दाबी छ । अहिलेसम्म ५० लाख भन्दा बढीको नमूना परीक्षणका लागि लिइएको छ ।