• अर्थ सरोकार सम्बाददाता 

काठमाडौं । न्याय सेवा आयोगले दुई सहसचिवको सचिवमा बढुवा गरेको छ । आयोगको सोमबार बसेको बैठकले कानुन मन्त्रालयका सहसचिव धनराज ज्ञवाली र उदयराज सापकोटालाई सचिवमा बढुवा गरेको हो ।

कानुन मन्त्रालयको सचिवमा ऋषि राजभण्डारी सरुवा भएका छन् । राजीव गौतम अवकाश भएपछि राजभण्डारीलाई आयोगले कानुन मन्त्रालयको सचिवमा सरुवा गरेको हो । यस्तै नवनियुक्त सचिव ज्ञवाली मन्त्रिपरिषद कार्यालय र सापकोटा सत्य निरुपण तथा मेलमिलाप आयोगमा पदस्थापन भएका छन् ।