काठमाडौं । नेपालमा कोरोना संक्रमणलाई जित्नेहरुको संख्या दुई सय ६६ पुगेको छ । मंगलबार अपरान्ह ४ बजे स्वास्थ्य तथा जनसंख्या मन्त्रालयका प्रवक्ता डा. विकास देबकोटाले आजसम्म कोरोना संक्रमण जितेर उपचारपछि घर फर्किनेहरुको संख्या दुई सय ६६ पुगेको बताएका हुन् ।

मंगलबार शिक्षण अस्पताल महाराजगञ्ज एक, गुल्मी अस्पताल एक, भीम अस्पतालबाट २५, कपिलवस्तुका ९, बिपी कोइराला स्वास्थ्य विज्ञान प्रतिष्ठान धरान १८ जना डिस्चार्ज भएका हुन् । डिस्चार्ज हुनेमध्ये २१२ पुरुष र ५४ जना महिला रहेका छन् ।