• अर्थ सरोकार सम्बाददाता 

विराटनगर । तिब्बत सरकारले प्रदेश १ लाई झन्डै पौने ८ करोड मूल्य बराबरको स्वास्थ्य सामग्री सहयोग गरेको छ । कोरोनासँग जुध्न तिब्बतले प्रदेश १ सरकारलाई ७ करोड ७४ लाख मूल्य बराबरको स्वास्थ्य सामाग्री सहयोग गरेको हो । 

तिब्बत सरकारले उपलब्ध गराएको स्वास्थ्य सामग्री नेपाल चीन कार्यकारी परिषद्ले सोमबार प्रदेश १ का मुख्यमन्त्री शेरधन राईलाई हस्तातरण गरेको छ । चीनले पठाएको स्वास्थ्य सामग्रीमा २ सेट पीसीआर मेसिन, भेन्टिलेटर ३ थान, एक्स रे पोर्टेबल मेसिन १ थान रहेका छन् । यस्तै आरडीटी किट १० हजार, भीटीएम भाएल १० हजार, स्वाब स्टिक २० हजार, पीपीई ५ हजार, एन ९५ मास्क ५ हजार, सर्जिकल मास्क २० हजार, सर्जिकल ग्लोब्स १० हजार, फेस शिल्ड २५ सय, आईआर थर्मोमिटर २ सय थान, अल्ट्रा सोनो ग्राम पोर्टेबल मेसिन १ थान, ह्यान्ड सेनिटाइजर ५ सय मिलिलिटर छन् ।

मुख्यमन्त्री राईले उपलब्ध भएका स्वास्थ्य सामग्रीहरुले प्रदेश सरकारले बनाएको कोरोना रोकथाम, उपचार र परीक्षण योजनामा प्रभावकारी रुपमा प्रयोग गरिने बताए ।