• अर्थ सरोकार सम्बाददाता 

काठमाडौं । अमेरिकामा कोरोना भाइरसको महामारीका कारण अहिलेसम्म १ लाख ३ हजार ३३० जनाको मृत्यु भएको छ । पछिल्लो तथ्यांक अनुसार अमेरिकामा मात्रै संक्रमितको संख्या १७ लाख ६८ हजार ४६१ जना पुगेको छ । 

यस्तै ४ लाख ९८ हजार ७२५ जना स्वास्थ्योपचार पछि निको भएका छन् भने १७ हजार २०२ जनाको सवास्थ्य अवस्था गम्भीर रहेको छ । अमेरिकाको न्युयोर्कमा अहिलेसम्म ३ लाख ७६ हजार ३०९ जनालाई संक्रमण भएको छ भने २९ हजार ६५३ जनाको मृत्यु भएको छ । यस्तै  न्युजर्सीमा ११ हजार ४१२ जनाको मृत्यु भईसकेको छ भने १ लाख ५९ हजार २६४ जनालाई संक्रमण भएको छ । अमेरिकामा बिहीवार मात्र २२ हजार ६५८ जनालाई संक्रमण भएको छ भने १ हजार २२३ जनाको मृत्यु भएको छ ।