">
- अर्थ सरोकार सम्बाददाता
बाग्लुङ । कोरोनाको शङ्कास्पद लक्षण देखिएपछि धौलागिरि अस्पतालको आइसोलेसन कक्षमा उपचाररत बागलुङ नगरपालिका-१३ का २३ वर्षीया युवकको कोरोना जाँच रिपोर्ट नेगेटिभ आएको छ । मङ्गलबार भारतबाट आएका उनलाई उच्च ज्वरो र जीउ दुख्ने समस्या भएपछि सोही दिन साँझ आइसोलेसनमा भर्ना गरिएको थियो ।
कोरोना आशङ्कामा स्वाब सङ्कलन गरी जाँचका लागि पोखरास्थित जनस्वास्थ्य प्रयोगशालामा पठाइएको थियो । बुधबार साँझ गरिएको जाँचमा कोरोना नलागेको पुष्टि भएको अस्पतालका प्रमुख चिकित्सक शैलेन्द्र विक पोखरेलले बताए । नेगेटिभ रिपोर्ट आएसँगै उनलाई बागलुङ नगरपालिका–१ स्थित क्वारेन्टिनमा पठाइएको छ ।
युवकको स्वास्थ्य अवस्था सामान्य रहेको र ज्वरो पनि हटेको अस्पतालले जनाएको छ ।
