• अर्थ सरोकार सम्बाददाता 

पोखरा । स्याङ्जामा थप ३ जनामा कोरोना भाइरस (कोभिड–१९) को संक्रमण पूष्टि भएको छ । प्रदेश स्वास्थ्य निर्देशनालयले वालिङका २६ र २२ वर्षीय पुरुष र ३९ वर्षकी महिलामा कोरोना पुष्टि भएको जनाएको छ ।

निर्देशनालयका डा. विनोदविन्दु शर्माका अनुसार उनीहरु भारतबाट आएको र अब सरकारी अस्पतालको आइसोलेसनमा ल्याइने भएको छ । यससँगै स्याङजामा कोरोना संक्रमितको संख्या ५ पुगेको छ ।