• अर्थ सरोकार सम्बादाता 

काठमाडौं । काठमाडौंको टोखा नगरपालिकामा फेला परेका कोरोना संक्रमित व्यक्ति किराना पसले भएको पाइएको छ । ती व्यक्तिमा सोमबार कोरोना संक्रमण पुष्टि भएको हो । स्वास्थ्य तथा जनसंख्या मन्त्रालयकाअनुसार सोमबार थपिएका ७२ संक्रमितमध्ये दुई जना टोखाका हुन् ।

टोखा नगरपालिका ३ र ६ का २७ वर्षीय पुरुष र ४१ वर्षीय पुरुषमा संक्रमण पुष्टि भएको हो । नगरपालिकाका मेयरका अनुसार एक जना किराना पसले हुन् । संक्रमित दुबैलाई दुबैलाई अस्पताल पठाउने तयारी भइरहेको छ । नगरपालिकाले विभिन्न ३०६ जनाको थ्रोट स्वाब संकलन गरेर परीक्षणका लागि पठाएको थियो । जसमा दुई जनाको पोजेटिभ आएको छ ।