- अर्थ सरोकार सम्बादाता
काठमाडौं । बीमा कम्पनीहरुबाट ऋण लिएका ऋणीहरुले ब्याजको १५ प्रतिशत छुट पाउने भएका छन् । बीमा समितिले बुधबार एक निर्देशन जारी गर्दै ऋणीलाई ब्याजको १५ प्रतिशतले हुन आउने रकम छुट दिन बीमा कम्पनीहरुलाई निर्देशन दिएको हो ।
समितिले भने बन्दाबन्दी सकिएको एक महिनाभित्रमा ऋण तिर्दा ब्याजको १५ प्रतिशत छुट दिने भएको हो । यो तत्कालै कार्यान्यनमा जाने बीमा समितिले जनाएको छ । बीमा लेख धितोमा राखी बीमा कम्पनीहरुले बिमितहरुलाई ऋण दिंदै आएका थिए ।
यता नेपाल राष्ट्र बैंकले पनि ब्याजदरमा २ प्रतिशत छुट दिन निर्देशन दिएको छ । राष्ट्र बैंकले चैतमा तिर्ने ऋणको किस्ता तथा ब्याज असार मसान्तमा तिरे पनि हुने व्यवस्था गरेको छ ।
