">
- अर्थ सरोकार सम्बाददाता
काठमाडौं । नेपाल राष्ट्र बैंकले १५ अर्ब ७४ करोड ५० लाख रुपैयाँको ट्रेजरी बिल बिक्री गर्ने भएको छ । आन्तरिक ऋण उठाउन केन्द्रीय बैंकले ९१ दिन, १८२ दिन र १ वर्षको लागि ट्रेजरी बिल बिक्री गर्ने लागेको हो ।
राष्ट्र बैंकका अनुसार ९१ दिन अवधिका लागि २ अर्ब रुपैयाँ बराबरको ट्रेजरी बिल बिक्री गर्न लगिएको हो । जुन भदौ २ गते परिपक्क हुनेछ । यस्तै १८२ दिन अवधिको ११ अर्ब ८५ करोड रुपैयाँ बराबरको ट्रेजरी बिल बिक्री गर्न लागिएको हो । जुन मंसिर २ गते परिपक्क हुनेछ ।
साथै राष्ट्र बैंकले एक वर्षको लागि १ अर्ब ८९ करोड रुपैयाँको ट्रेजरी गर्ने भएको हो । यो २०७८ जेठ ४ गते परिपक्क हुनेछ । लगानीकर्ताले अनलाइनमार्फत बोलकबोल गर्न सक्नेछन् । यस सरकारी ऋणपत्रको बोलकबोल जेठ ५ गते अपराह्न ३ बजे खुला गरिने राष्ट्र बैंकले जनाएको छ ।
