">
- अर्थ सरोकार सम्बाददाता
काठमाडौं । सरकारले ४० वर्ष माथिका नागरिकलाई ६ महिनाको एक पटक पिसाबमा अल्बुमिन, रक्तचाप तथा रगतमा ग्लुकोज निःशुल्क जाँचको व्यवस्था गर्ने भएको छ। राष्ट्रपति विद्यादेवी भण्डारीले आर्थिक वर्ष २०७७/७८ का नीति तथा कार्यक्रम सार्वजनिक गर्दै उक्त जानकारी दिएकी हुन्। वडा स्तरमा रहेका स्वास्थ्य संस्थाबाट यी सेवा उपलब्ध हुने छन्।
नेपालमा नसर्ने रोगको भार बढ्दै गएपछि पिसाबमा अल्बुमिन र रगतमा ग्लुकोजको निस्शुल्क जाँचको व्यवस्था गरिएको हो। यस्तै सरकारले सबै स्थानीय तहमा पाँचदेखि १५ श्ययाको अस्पताल बनाउने भएको छ।
