">
- अर्थ सरोकार सम्बाददाता
काठमाडौँ – नेपाली सेनाको स्काइ ट्रकमार्फत भैरहवा, नेपालगन्ज र धनगढीमा परिक्षण किट पठाईएको छ । स्वीस सरकारले दिएको ३० हजार पिसिआर परीक्षण किटमध्ये ८ हजार वटा किट उक्त स्थानहरुमा प्रयोगशालामा पठाइएको स्वास्थ्य विभागका महानिर्देशक महेन्द्रप्रसाद श्रेष्ठले बताए ।
किट अभावका कारण यी स्थानमा परिक्षण कार्य रोकिएको थियो । यसअघि आरएनए एक्स्ट्रयाक्सन किट अभावमा पाँच वटा प्रयोगशालामा परीक्षण रोकिएको थियो । जसमा वीर, चितवन, भैरहवा, सुर्खेत र धनगढीका प्रयोगशाला थिए।
किट आउने भएसँगै गत सातादेखि परीक्षण रोकिएको भैरहवामा रहेको प्रयोगशालामा पुनः परीक्षण हुने भएको छ । पछिल्लो समय किट अभावकै कारण परीक्षणको गति सुस्त भएको थियो ।
