• अर्थ सरोकार सम्बाददाता 

काठमाडौं । सरकारले वैशाख २५ गते साँझ ७ बजे दीप प्रज्वलन गर्न आह्वान गरेको छ । मंगलबार बसेको कोरोना रोकथाम तथा नियन्त्रण उच्चस्तरीय समितिको बैठकले कोरोना रोकथाम र उपचारमा खटिएका स्वास्थ्यकर्मीको सम्मानमा दीप प्रज्वलन गर्न आह्वान गरेको हो ।

२५ गते वुद्ध जयन्तीको दिन परेकाले वुद्ध जयन्ती मनाउन र कोरोनाविरुद्ध खटिएका स्वास्थ्यकर्मीको मनोबल बढाउन दीप प्रज्वलनका लागि आह्वान गरिएको हो । २५ गते नै लुम्बिनीमा नेपालले अन्तर्राष्ट्रिय वौद्ध सम्मेलन पनि आयोजना गरिएको थियो । तर कोरोना भाइरसको महामारीका कारण स्थगित भएको छ । नेपालमा हालसम्म ८२ जना कोरोना संक्रमित फेला परेका छन् भने १६ जना निको भएर डिस्चार्ज भएका छन्