">
- अर्थ सरोकार सम्बाददाता
काठमाडौं । नेकपा अध्यक्ष तथा प्रधानमन्त्री केपी शर्मा ओली र अर्का अध्यक्ष पुष्पकमल दाहाल ‘प्रचण्ड’बीच भेटवार्ता भएको छ । बालुवाटारमा भएको दुई नेताबीचको भेटमा ३ दिनपछि बस्ने स्थायी कमिटीमा छलफल गर्ने एजेण्डाका बारेमा कुराकानी भएको बुझिएको छ ।
शनिबारको सचिवालय बैठकले पार्टीको कलह केही हदसम्म समाधान निकालेपछि दुई अध्यक्षबीचको यो पहिलो भेटवार्ता भएको हो । शनिबारको सचिवालयले २५ बैशाखमा स्थायी कमिटी बैठक बोलाइएको छ । स्थायी कमिटी बैठकको तयारीका लागि २४ बैशाखमा पुन: सचिवालय बैठक बस्ने तय भएको छ।
दुई अध्यक्षबीच स्थायी कमिटी बैठक र पछिल्लो राजनीतिक घटनाक्रमबारे छलफल हुनेछ । आइतबार प्रचण्ड र वरिष्ठ नेता माधवकुमार नेपालबीच पनि भेटवार्ता भएको थियो।
