• अर्थ सरोकार सम्बाददाता 

काठमाडौं – पाकिस्तानमा दिनानुदिन संक्रमितको संख्या बढ्दै गइरहेको छ । पाकिस्तानमा एकैदिनमा अहिलेसम्म सबैभन्दा धेरै कोरोना संक्रमित फेला परेका छन् । पाकिस्तानको स्वास्थ्य मन्त्रालयको अनुसार पछिल्लो २४ घण्टामा पाकिस्तानमा आठ सय ७४ नयाँ संक्रमित फेला परेका हुन् । यससँगै पाकिस्तानमा समग्र संक्रमितको संख्या १५ हजार सात सय ५९ पुगेको छ ।

त्यस्तै, अहिलेसम्म पाकिस्तानमा कोरोना भाइरसबाट मृत्यु हुनेको संख्या पनि तीन सय ४६ पुगेको छ ।अहिलेसम्म पाकिस्तानमा चार हजार ५२ जना कोरोना भाइरसका संक्रमित निको भएर घर फर्किसकेका छन् । पाकिस्तानमा मे ९ सम्म कोरोना भाइरस नियन्त्रणका लागि मुलुकभर लकडाउनको घोषणा गरिएको छ ।