• अर्थ सरोकार सम्बाददाता 

काठमाडौँ – अमेरिकामा कोरोना भाइरस संक्रमितको संख्या १० लाख १० हजार ५ सय ७ पुगेको छ । वर्ल्डोमिटर्सको पछिल्लो आँकडा अनुसार मृतकको संख्या भने ५६ हजार८ सय ३ पुगेको छ । 

अमेरिकामा कोरोना संक्रमित र यसको संक्रमणका कारण मृत्यु हुनेको संख्या सबैभन्दा धेरै छ । यस भाइरसबाट सबैभन्दा बढी अमेरिकाको न्युयोर्कमा परेको छ ।   

वर्ल्डोमिटर्सको पछिल्लो आँकडा अनुसार यहाँ एकैदिन २३ हजार १ सय ९६ नयाँ संक्रमित भेटिएका थिए भने पछिल्लो २४ घण्टामा यहाँ १३ सय ८४ को मृत्यु भयो । संक्रमितमध्ये १४ हजार १ सय ८६ को स्थिती चिन्ताजनक छ भने हालसम्म १ लाख ३८ हजार ९ सय ९० जना निको भइसकेका छन् ।