">
- अर्थ सरोकार सम्बाददाता
काठमाडौं – बुधबार साँझ त्रिवि शिक्षण अस्पतालमा कार्यरत डाक्टरलाई ड्युटी सकेर फर्किरहेका बेला कुटपिट गर्ने डिएसपी उमेश लम्साललाई जिम्मेवारीबाट हटाईएको छ । लम्साललाई जिम्मेवारीबाट हटाएर अनुसन्धान गर्नुपर्न भएकोले उनलाई रानीपोखरी कार्यलयमा झिकाईएको महानगरीय प्रहरी प्रवक्ता श्याम लाल ज्ञावलीले बताए ।
यसअघि बिहीबार बिहान मेट्रोले घटनाको छानविनका लागि एसएसपी किरण बज्राचार्यको संयोजकत्वमा एसपी मुकेश सिंह र डीएसपी होबिन्द्र बोगटी सदस्य रहने गरी छानबिन समिति गठन गरेको थियो।
त्रिवि शिक्षण अस्पताल महाराजगञ्ज र कान्ति बाल अस्पतालका डाक्टरहरु शम्भु खनाल, तेजप्रकाश शाह र विकास शाहले ड्युटी सकेर खाना खाएर फर्किरहेका बेला प्रहरीले पिटेको आरोप लगाएका छन्। स्रोतका अनुसार लम्साल आफुले नपिटेपनि उनी घटनास्थलमै उपस्थित थिए।
