">
- अर्थ सरोकार सम्बाददाता
काठमाडौं । सनसिटी अपार्टमेन्टमा बस्ने एकै परिवारका तीन जनामध्ये १ जनाको कोरोना रिपोर्ट ‘नेगेटिभ’ आएको छ । २ जनालाई भने कोरोना संक्रमण भइसकेको स्वास्थ्य मन्त्रालयले पुष्टि गरिसकेको छ । परिवारको तेस्रो सदस्यमा कोरोना संक्रमण नभएको बुधबार स्वास्थ्य मन्त्रालय जनाएको छ ।
सोमबार गरिएको र्यापिड टेष्टमा तीनै जनामा एन्टीबडी पोजेटिभ पाएपछि पाटन अस्पताल भर्ना गरिएको थियो ।उनीहरुमध्ये ८१ बर्षीया आमा र ५८ वर्षका छोरामा कोरोना संक्रमण देखिएको थियो । ५२ वर्षकी बुहारीको पहिलो रिपोर्ट पोजेटिभ नआएपछि पुनः परीक्षण गरिएको थियो । उनीहरु तिनै जना सनसिटी अपार्टमेन्ट ब्लक ए मा बस्दै आएका थिए । उक्त ब्लकमा बस्ने सबैको आज कोरोना परिक्षण गरिएमा सबैको नतिजा नेगेटिभ आएको छ ।
