• अर्थ सरोकार सम्बाददाता 

काठमाडौं । विश्वका ५२ मुलुकमा २२ हजारभन्दा बढी स्वास्थ्यकर्मीमा कोरोना भाइरसको संक्रमण देखिएको छ । विश्व स्वास्थ्य संगठन (डब्लुएचओ)ले विश्वका ५२ मुलुकमा २२ हजारभन्दा बढी स्वास्थ्यकर्मीमा कोरोना भाइरस को संक्रमण देखिएको बताएको हो । 

डब्ल्यूएचओका अनुसार शनिबार सार्वजनिक गरिएको प्रतिवेदनले गत अप्रिल ८ सम्ममा विश्वभरका ५२ मुलुकमा २२ हजार ७३ जना स्वास्थ्यकर्मीमा कोरोना भाइरसको संक्रमण देखिएको बताएको हो । अहिलेसम्म सबै मुलुकबाट स्वास्थ्यकर्मीलाई भएको संक्रमणको विषयमा यकिन जानकारी आउन नसकेको कारण यो संख्या अझै बढी हुन सक्ने डब्ल्यूएचओले जनाएको छ ।