• अर्थ सरोकार सम्बाददाता 

काठमाडौँ – काठमाडौँ महानगरपालिकाले तरकारीको बिक्री वितरण गर्न विभिन्न ११ स्थान तोकेको छ । महानगरपालिकाले कलङ्की , बाफल , स्वयम्भू , वनस्थली , गोङ्गबु, वसुन्धरा, गोपीकृष्ण हल , तीनकुने , लैनचौर, रत्नपार्क र कोटेश्वर चोक तोकेको हो । लकडाउनका बेला बल्खु र कालीमाटी तरकारी बजारको भीडभाड कम गर्न कामपाले  यस्तो गरेको हो । 

कामपा प्रशासन विभाग प्रमुख नमराज ढकालले पहिलो चरणमा ११ स्थानबाट थोक बिक्रीका लागि स्थान उपलब्ध गराएको जानकारी दिए । यी स्थानबाट  बिहान ८ः०० बजेसम्म तरकारी तथा फलफुल किन्न पाइनेछ ।हाल कालीमाटी फलफूल तथा तरकारी बजार पूर्णरुपमा बन्द रहेको छ ।