भारत – कोरोना भाइरसको संक्रमण भारतमा पनि बढ्दै गईरहेको छ । भारतमा पछिल्लो २४ घण्टामा १८ जनाले ज्यान गुमाएसँगै मृत्यु हुनेको संख्या ११७ पुगेको छ । साथै ७०० जना नयाँ संक्रमित फेला परेका छन् । यो सँगै भारतमा संक्रमित हुनेको संख्या ४ हजार २८८ पुगेको छ ।

भारतमा संक्रमितमध्ये ३२८ जना उपचारपछि निको भएका छन् भने ३ हजार ८४३ जना उपचाररत रहेका छन् । यसैबीच विश्वव्यापी महामारीको रुपमा फैलिएको कोरोना भाइरसका कारण संक्रमित हुनेको संख्या १२ लाख ७२ हजार नाघेको छ ।