काठमाडौँ । सरकारले एक महिनाको घरभाडा नलिन घरबेटीहरूलाई आग्रह गरेको छ । मन्त्रिपरिषद् बैठकको निर्णय सार्वजनिक गर्दै सरकारका प्रवक्ता एवं सञ्चार तथा सूचना प्रविधिमन्त्री डा युवराज खतिवडाले घरबेटीहरूलाई चैत महिनाको घरभाडा नलिन आग्रहग गर्ने निर्णय भएको जानकारी दिए ।

तर यता घरभेटीहरुले भने आफ्नै पीडा सामाजिक संजालमा पोखिरहेका छन्। ‘भाडा नै नउठाए बैंकको किस्ता कसरी तिर्ने ? आय स्रोतनै त्यहि हो, के खाने ?’ बानेश्वरका एक घरभेटीले लेखेका छन्। यस्ता घरभेटीहरु काठमाडौँमा धेरै रहेको बताइन्छ ।

‘बिजुलीको पैसा मिनाहा भनेको छैन, पानी प्रयोग गर्नुपरिहाल्यो, फोहोरको पैसा उठाउन आइहाल्छ, खानै पर्यो अरु आय स्रोत छैन । अनि भाडा नलिएर हुन्छ ?’ पेप्सीकोलाका अर्का एक घरभेटीले पनि गुनासो पोखेका छन् ।