कपिलबस्तु । कपिलवस्तुको मायादेवी गाउपालिका पकडीमा लकडाउन उल्लंघन गरी हाट बजार लागेको छ ।  कोरोनाको त्रासका कारण देशभर लकडाउन भएको स्थितिमा कपिलबस्तुको गाउँपालिका पकडीमा भने यसको ठाडो उल्लङ्घन भएको हो । यसले कोरोनाको त्रास  झन् बढाएको छ ।

सरकारले २५ जनाभन्दा बढी व्यक्तिहरुलाई एकैठाउँमा जम्मा नहुन उर्दी जारी गरेको छ । तर उक्त उर्दीको ठाडो उल्लङ्घन हुँदा पनि प्रशासन र स्थानीय सरकार भने मौन छन् ।

यसले स्थानीय सरकार र प्रशासन कतिसम्म असक्षम छन् भन्ने प्रमाणित गरिदिएको छ ।