विराटनगर – मास्क लुकाएर राखेको अवस्थामा वाणिज्य कार्यालय मोरङले एक व्यक्तिलाई तीन लाख रुपैयाँ जरिवाना गरेको छ । अनुगमनका क्रममा मास्क लुकाएर राखेको भेटिएपछि वाणिज्य कार्यालय मोरङले विराटनगरको श्री सूर्जी इन्पेक्सका सञ्चालकलाई तीन लाख रुपैयाँ जरिवाना गरेको हो ।
विराटनगर–९ घोगापुल चोकबाट अग्रवालले सञ्चालन गरेको श्री सुर्र्जी इन्पेस्कबाट ११ हजार ३ सय ५० थान मास्क र सेनिटाइजर बरामद भएको थियो । आइतबार वाणिज्य कार्यालय, विराटनगर महानगरपालिकासहितको अनुगमन टोलीले मास्क र सेनिटाइजर लुकाएको पाएपछि सञ्चालक अग्रवाललाई तीन लाख रुपैयाँ जरिवाना गरेको हो ।
वाणिज्य कार्यालय विराटनगरका प्रमुख हिमालय बरालक अनुसार अग्रवाललाई उपभोक्ता संक्षरण ऐन २०७५ अनुसार जरिवाना गरिएको छ । थप अनुसन्धान र कारवाहीका लागि अग्रवाललाई जिल्ला प्रहरी कार्यालय मोरङले नियन्त्रणमा लिएको छ ।
