काठमाडौं । अध्यागमन विभागले पनि आज (आइतबार)बाट सम्पूर्ण सेवा बन्द गरेको छ । विभागले कोरोना भाइरस (कोभिड-१९)लाइ ध्यानमा राख्दै ९ देखि २१ गतेसम्म सम्पूर्ण सेवा बन्द गरेको हो । सरकार हवाई सेवा बन्द गरेसँगै विभागको कामकाज पनि बन्द गरिएको विभागका निर्देशक रामचन्द्र तिवारीले बताए ।
यता विभागका महानिर्देशक इश्वर पौडेलले जोखिम न्यूनीकरणका लागि सेवा बन्द गरिएको जानकारी दिए । भिसा अवधि सकिएकाहरुलाई कुनै जरिवाना नलिई कार्यालय खुलेपछि थप गर्ने उनले बताए । एक सातामै १० हजारभन्दा बढी पर्यटकले भीसा अवधि थप गराएको पनि उनले बताए ।
