काठमाडौँ – सरकारले सिनेमा हल, सांस्कृतिक केन्द्रहरु, रंगशाला, जिम, हेल्थ क्लब, म्युजियम लगायतका मनोरञ्‍जन स्थल बन्द गर्ने निर्णय गरेको छ । कोरोना भाइरसको संक्रमण,रोकथाम तथा नियन्त्रण उच्चस्तरीय समन्वय समितिको बुधबार बसेको बैठकले उक्त स्थानहरु २०७७ को वैशाख १८ गतेसम्म बन्द गर्ने निर्णय गरेको हो । यसको अनुगमन सम्बन्धित मन्त्रालयहरुले गर्ने जिम्मेवारी दिइएको छ । यस्तै, यसको अनुगमन र कार्यान्वयनका लागि प्रदेश सरकार तथा स्थानीय तहलाई समेत निर्देशन दिइएको छ ।