काठमाडौं – नेपाल इन्भेष्टमेन्ट बैंकले २७ लाख ५० हजार कित्ता ऋणपत्र जारी गर्ने भएको छ । बैंकले उक्त ऋणपत्रको क्रेडिट रेटिङ गराएको छ । रेटिङ एजेन्सी इक्रा नेपालले यो ऋणपत्रलाई न्यून जोखिम जनाउने ‘इक्रा एनपी एलए’ रेटिङ दिएको छ ।
बैंकले प्रति कित्ता १ हजार रुपैयाँ दरमा २ अर्ब ७५ करोड रुपैयाँ बराबरको ऋणपत्र जारी गर्न लागेको हो । बैंकले ऋणपत्र जारी गर्न रेटिङ गराए पनि हालसम्म धितोपत्र बोर्डमा आवेदन भने दिएको छैन । नेपाल धितोपत्र बोर्डले अनुमति दिएपछि मात्र बिक्री प्रक्रिया अघि बढ्नेछ ।
