- अर्थ सरोकार सम्बाददाता
काठमाडौं । एनआइसी एसिया बैंकले आफ्नो स्वामित्वमा रहेको ४ लाख ५८ हजार २५५ कित्ता संस्थापक सेयर बिक्री खुला गरेको छ । बैंकले आरएमडीसी लघुवित्तको ४ लाख ५८ हजार २५५ कित्ता संस्थापक सेयर बिक्री खुला गरेको हो । यो सेयरमा लगानीकर्ताले न्यूनतम ४०८ रुपैयाँ भाउ राखेर आवेदन दिन सक्नेछन् ।
यो सेयर खरिदका लागि विद्यमान संस्थापकहरु वा जो कोही व्यक्ति, कम्पनी, संघ, संस्थाहरुले आवेदन दिन सक्नेछन् । यसमा वैशाख २८ गतेसम्म बोलपत्र पेश गर्न सकिनेछ । लगानीकर्ताले न्यूनतम १०० कित्ता अधिकतम सम्पूर्ण कित्ताका लागि पनि आवेदन दिन सक्नेछन् भने लिलामीको बोलपत्र बिक्री प्रबन्धक एनआइसी एसिया क्यापिटल, बबरमहलमा बुझाउनु पर्नेछ ।
