काठमाडौं – कञ्चनपुरको बेलौरीमा केन्द्रीय कार्यालय रहेको घोडीघोडा लघुवित्तले आर्थिक वर्ष २०७६/७७ को दोस्रो त्रैमासको वित्तीय विवरण सार्वजनिक गरेको छ । सार्वजनिक भएको विवरण अनुसार संस्थाले खुद नाफा ७३.१५%ले बढाएर ४ लाख ४५ हजार रुपैयाँ पुर्याएको छ ।  गत वर्ष संस्थाले २ लाख ५७ हजार रुपैयाँ नाफा कमाएको थियो । 

यस्तै, संस्थाले खुद ब्याज आम्दानी र सञ्चालन नाफा ४३.६४% र ७३.१५% ले बढाउन  सफल भएको छ । गत वर्ष २७ लाख ७० हजार रुपैयाँ खुद ब्याज आम्दानी गरेको यसले अहिले बढाएर ३९ लाख ७९ हजार रुपैयाँ पुर्याएको छ । कम्पनीले सञ्चालन नाफा पनि २ लाख ५७ हजार रुपैयाँबाट बढोत्तरी गरेर ४ लाख ४५ हजार रुपैयाँ पुर्याएको छ । 

यो पुसमसान्तसम्ममा संस्थाको चुक्ता पुँजी २ करोड ७६ लाख २५ हजार रुपैयाँ रहेको छ भने जगेडा कोषमा १९ लाख २३ हजार रुपैयाँ ऋणात्मक नै रहेको छ । यता, संस्थाको खराब कर्जा २.११% र कस्ट अफ फन्ड १२.२६% छ ।