काठमाडौँ – उच्च अदालत पाटनले नेपाल पुनर्बीमा कम्पनीलाई जारी पूँजी घटाउन स्वीकृती दिएको छ। कम्पनीले उच्च अदालतको गत माघ १ गतेको फैसलाबाट उक्त स्वीकृती पाएको हो। 

कम्पनीले जारी पूँजी घटाउने स्वीकृत पाएसँगै अब कम्पनीको पूँजी १० अर्ब हुनेछ । कम्पनीको २०७५ पुस १३ मा सम्पन्न विशेष साधारण सभाले पनि जारी पँजी १५ अर्ब रुपैयाँबाट घटाएर १० अर्ब कायम गर्ने गरी प्रबन्धपत्र तथा नियमावली संशोधन गर्ने प्रस्ताव पारित गरेको थियो । 

त्यसपश्चात कम्पनी  १० अर्ब कायम गर्न अदालती प्रक्रियामा गएको थियो। उक्त प्रकृयाका लागि कम्पनीका तर्फबाट तत्कालीन निमित्त प्रमुख कार्यकारी अधिकृत दामोदर भण्डारीले उच्च अदालत पाटनमा निवेदन दिएका थिए । उनले गत कार्तिक २८ मा दिएको निवेदनको फैसलाको पूर्ण पाठ कम्पनीले गत माघ १ गते प्राप्त गरेको हो।