काठमाडौं । बैंक तथा वित्तीय संस्था परिसंघ, नेपालको महानिर्देशकमा गोपाल प्रसाद तिवारी नियुक्त भएका छन् । वाणिज्य बैंकहरु, विकास बैंकहरु र वित्तीय संस्थाहरुको छाता संस्था परिसंघको कार्यसमिति बैठकले तिवारीलाई ४ वर्षका लागि महानिर्देशकमा नियुक्त गरेको हो ।
उनिसँग नेपालस्थित अन्तर्राष्ट्रिय वित्त निगम तथा विश्व बैंक, विभिन्न वैदेशिक दातृ निकायहरु, सार्वजनिक एवं निजी क्षेत्र र सञ्चार क्षेत्रको लामो अनुभव छ । साथै सन् २०१६ मा नर्वेबाट सोसिएल अन्ट्रप्रिनरशिप एन्ड इन्नोभेसन म्यानेजमेन्टमा ग्रयाजुएट र सन् २०१४ देखि बिजीनेस स्कुल अफ नेदरल्यान्डस्मा म्यानेजमेन्ट स्कलरका साथै नर्वेस्थित वैज्ञानिक अनुसन्धान संस् मा इन्डिपेन्डेन्ट साइन्टिफिक रिसर्चर का रुपमा आवद्ध छन् ।
तिवारीले पछिल्लोपटक नेपाल उद्योग वाणिज्य महासंघको निमित्त महानिर्देशक भई कार्यभार सम्हालेका थिए । उनि नेपाल आर्थिक संघका महासचिव हुन् भने नेपाल आर्थिक पत्रकार समाज (सेजन) का पुर्वअध्यक्ष पनि हुन् ।
