">
काठमाडौँ – साताको कारोबारको पहिलो दिन आइतबार बजार घटेको छ । बिहिबारको तुलनामा बजार ४.९९ अंकले घटेर ११६२.४३ विन्दुमा आइपुगेको छ ।
नेपाल स्टक एक्सचेन्ज (नेप्से)का अनुसार कुल १ सय ८१ कम्पनीको १५ लाख ५१ हजार ८९० कित्ता सेयर खरिद बिक्री हुँदा ४२ करोड २४ लाख माथिको कारोबार भएको छ । जसमा सबै भन्दा बढी कारोबार नेपाल लाइफ इन्स्योरेन्स कम्पनीको भएको छ । यस कम्पनीको कुल ४८ करोड ४० लाखमाथिको कारोबार भएको छ । त्यसपछि क्रमश नेपाल इन्भेष्टमेन्ट बैंकको प्रोमोटर सेयर र प्राइम कमर्सियल बैंकको भएको छ ।
यस्तै व्यापार, फाइनान्स, अन्य, र जीवन विमा बढेका छन् भने बैंकिङ, होटल्स, निर्जीवन बिमा, विकास बैंक म्यानुफ्याक्चर एण्ड प्रोडक्सन समूह, हाइड्रोपावर, माइक्रोफाइनान्स र म्युचुअल फन्ड घटेका छन् ।
आइतबार सबैभन्दा धेरै साल्ट ट्रेडिङ कर्पोरेसन र माउन्टेन हाइड्रो नेपालका लगानीकर्ताले कमाएका छन् भने सबैभन्दा धेरै प्रोग्रेसिभ फाइनान्स र कृषि विकास बैंकले गुमाएका छन् ।
