काठमाडौं – पोखरा फाइनान्सले १४.२०% लाभांश दिने घोषणा गरेको छ । कम्पनीको शुक्रबार बसेको सञ्चालक समितिको ४७१औँ बैठकले आर्थिक वर्ष २०७५/७६को मुनाफाबाट ७% बोनस सेयर र कर प्रयोजन सहित ७.२०% नगद लभांश गरी कुल १४.२०% लाभांश दिन निर्णय गरेको हो ।
पोखरा फाइनान्सले हाल कायम ८५ करोड ७२ लाख ७२ हजार रुपैयाँ चुक्ता पुँजीबाट ६ करोड ९ हजार रुपैयाँ बराबरको बोनस र ६ करोड १७ लाख २३ हजार रुपैयाँ नगद लाभांश दिन लागेको हो ।
यो प्रस्ताव नियामक नेपाल राष्ट्र बैंकबाट स्वीकृत भएपछि र कम्पनीको आगामी वार्षिक साधारणसभाले पारित गरेपछि कार्यान्वयनमा आउनेछ । हेर्नुहोस् कम्पनीले नेपाल स्टक एक्सचेन्जलाई लाभांश घोषणा गरिएको बारे गराएको औपचारिक जानकारी जस्ताको त्यस्तै :
