काठमाडौँ । नेपाल बैंकर्स संघले प्रक्रिया पुरा गरेका वाणिज्य बैंकहरुका सहायक कम्पनीहरुलाई ब्रोकर लाइसेन्स दिन माग गरेको छ । संघको भदौ ११ गते बुधबार बसेको बैठकले प्रक्रिया पुरा गरेका वाणिज्य बैंकहरुका सहायक कम्पनीहरुलाई ब्रोकर तत्काल लाइसेन्स दिन माग गरेको हो । 

यस्तै संघले नेपाल स्टक एक्सचेञ्जले आब्हान गरेको सूचनाअनुसार प्रकृया पुर्याएर आवेदन दिएका बैंकहरुलाई समेत ब्रोकर लाइसेन्स दिने प्रकृया स्थगित गरेपछि तत्काल लाइसेन्स वितरण गर्न माग गरेको हो । अर्थ समितिले वाणिज्य बैंकहरुलाई ब्रोकर लाइसेन्स दिन अध्ययन गरी दुइ महिनाभित्र प्रतिवेदन बुझाउने गरी सांसद रामकुमारी झाँक्रीको संयोजकत्वमा साउन २९ गते पाँच सदस्यीय अध्ययन उप समिति गठन गरेको थियो ।

यद्यपि संघले नेप्सेलेको उक्त प्रक्रियामा असहमति जनाएको हो ।