काठमाडौं – प्राइम कमर्शियल बैंकको प्रमुख कार्यकारी अधिकृत (सिइओ) मा पुन: नारायणदास मानन्धर नियुक्त भएका छन् । बैंकको शुक्रबार बसेको सञ्चालक समितिको बैठकले मानन्धरलाई आगामी ४ वर्षे कार्यकालका लागि पुन: सिइओमा नियुक्त गरेको हो ।
बैंक तथा वित्तीय संस्था सम्बन्धि नयाँ ऐनले सीईओले दुई कार्यकाल काम मात्र गर्न पाउने रहेको छ । मानन्धरको प्राइममा यो दोस्रो कार्यकाल हो ।
नारायणदास मानन्धरसँग ५० वर्ष बैंकिङ क्षेत्रमा काम गरेको अनुभव रहेको छ । कृषि विकास बैंक स्थापनादेखि नै सो बैंकमा आवद्ध मानन्धर पछि क्रमशः राष्ट्रिय वाणिज्य बैंक, लुम्बिनी बैंक, नेपाल बंगलादेश बैंक हुँदै प्राइम कमर्सियल बैंकमा आवद्ध भएका हुन् ।
