• अर्थ सरोकार सुदूरपश्चिम ब्युरो

धनगढी । कोरोना माहामारीको दोस्रो लहर सूरु भएसँगै कैलाली कोरोनाको हटस्पटको रुपमा स्थापित बन्दै गएको छ । छिमेकी मुलुक भारतमा कोरोनाको संक्रमण दिनप्रतिदिन फैलिन थालेपछि सुदूरपश्चिम फिर्नेको संख्यामा पनि वृद्धी भएको हो । कैलालीको त्रिनगर भन्सार नाका भएर दैनिक भित्रिएका हजारौँमध्ये सयौँजनामा संक्रमण देखिदै आएको छ ।

बिहिबार मात्रै धनगढीका १३६ सहित सुदूरपश्चिममा २२७ जनामा कोरोनाको संक्रमण पोजेटिभ देखिएको छ । सेती प्रादेशिक अस्पतालको प्रयोगशालामा भएको परीक्षणमा धनगगढीका मात्रै १३६ जनामा संक्रमण पुष्ठी भएको अस्पतालका सूचना अधिकारी दिलिपकुमार श्रेष्ठले जानकारी दिए ।

त्यस्तै बिहिबार परिक्षण गरिएका ३७० नमुनामध्ये प्रदेशभरका २२७ जनामा संक्रमण पुष्ठी भएको छ । जसमध्ये कैलाली जिल्लाका मात्रै २०२ जना रहेका छन् ।