काठमाडौं – नेपाल कम्युनिटी डेभलपमेन्ट बैंकले सेयरधनीको खातामा ६.४२% नगद लाभांश जम्मा गरिदिएको छ । उक्त लाभांश बैंकले माघ १८ गतेसम्म डिम्याट खातामा बैंक खाता अध्यावधिक गराएकाहरुको मात्र जम्मा गरीदिएको हो । यस्तै, बैंकले माघ १८ गतेभन्दा पछि डिम्याट खातासँग बैंक खाता अध्यावधिक गर्नेहरुको पनि खातामै नगद जम्मा गरिदिने तयारी गरेको जनाएको छ । 

हालसम्म पनि डिम्याट नगरेकालाई भने बैंकले तत्काल सेयर डिम्याट गर्न आग्रह गरिएको छ । यसका लागि लगानीकर्ताले आफ्नो खाता भएको कुनै पनि बैंक तथा वित्तीय संस्था वा अन्य निक्षेप सदस्यमा गएर डिम्याट खाता खोल्न सक्नेछन् ।