">
- अर्थ सरोकार सम्बाददाता
ललितपुर । ईमाडोलबाट नक्कली नोटसहित एक जना पक्राउ परेका छन् । महालक्ष्मी नगरपालिका १ ईमाडोलबाट १ हजार दरको नक्कली जस्तो देखिने नोट ५ थान सहित काठमाडौं माछापोखरी बस्ने हुम्ला सार्केटार गाउँपालिका ७ जैर घर भएका १९ वर्षीय मुन बहादुर रावत बिहीबार राति पक्राउ परेका हुन् ।
नक्कली पैसाको कारोबार भईरहेको भन्ने सूचनाको आधारमा ग्वार्खोबाट ईमाडोलतर्फ आउँदै गरेका रावतलाई शंका लागि शरीर तलासी गर्दा उक्त नक्कली नोटसहित फेला पारी प्रहरीले पक्राउ गरेको हो । साथै उनको साथबाट सक्कली नोट जस्तो देखिने ५ हजार ५ सय रुपैयाँसमेत प्रहरीले बरामद गरेको छ ।
