काठमाडौं – चौतारी लघुवित्त वित्तीय संस्थाले आर्थिक वर्ष २०७५/७६को दोस्रो त्रैमासको वित्तिय विवरण सार्वजनिक भएको छ। सार्वजनिक भएको विवरण अनुसार संस्थाको खुद नाफा २१०%ले बढोत्तरी गरेर १ करोड ५ लाख १६ हजार रुपैयाँ कमाउन सफल भएको छ । गत वर्ष यो संस्थाको खुद नाफा ३३ लाख ९२ हजार रुपैयाँ मात्र आर्जन गरेको थियो ।
यो दोस्रो त्रैमासमा संस्थाको खुद ब्याज आम्दानी ७५.९५% ले वृद्धि भएको छ। संस्थाको खुद ब्याज आम्दानी ३ करोड ८२ लाख ४६ हजार रुपैयाँ कमाएको छ। सञ्चालन नाफा ४७.३६% ले वृद्धि गरेर ७८ लाख ५६ हजार रुपैयाँ पुर्याएको छ ।
हाल संस्थाको चुक्ता पुँजी १८ करोड ६० लाख रुपैयाँ रहेको छ भने जगेडा कोषमा २ करोड ५४ लाख ४४ हजार रुपैयाँ जम्मा छ । संस्थाको खराब कर्जा ०.६८% रहेको छ भने प्रतिसेयर आम्दानी ११ रुपैयाँ ३१ पैसा र प्रतिसेयर नेटवर्थ भने ११३ रुपैयाँ ६८ पैसा छ ।
