काठमाडौँ – सिद्धार्थ बैंक लि.ले दुई अर्ब २५ करोड रुपैयाँको ऋणपत्र निष्कासन गर्ने भएको छ । यसका लागि बैंकले नेपाल धितोपत्र बोर्डबाट स्वीकृति पाएको छ। बैंकले १०.५ प्रतिशतमा ७ वर्षका लागि ’एसविएल डिवेन्चर २०८२’ निष्कासन गर्ने अनुमति पाएको हो । 

बैंकले ऋणपत्र निष्कासनका लागि बिक्री प्रबन्धकमा एनआईसी एशिया क्यापिटललाई नियुक्त गरेको छ । बैंकले प्रति डिवेन्चर १००० हजार रुपैयाँको दरमा ४ लाख ५० हजार इकाई सर्वसाधारणको लागि र १८ लाख इकाई निजी क्षेत्रका लागि निष्कासन गर्नेछ ।

उक्त ऋणपत्रले इक्रा एनपि ट्रिपल बि प्लस रेटिङ प्राप्त गरेको छ । यसले मध्यम किसिमको सुरक्षा रहेको संकेत गर्ने क्रेडिट रेटिङ एजेन्सी इक्रा नेपालले जनाएको छ ।