काठमाडौं – नेपाल टेलिकमको आर्थिक वर्ष २०७५/७६को पहिलो त्रैमासको वित्तिय विवरण सार्वजनिक भएको छ । सार्वजनिक भएको विवरण अनुसार बैंकको खुद नाफा ४ अर्ब ४९ करोड ६ लाख ४४ हजार ५२१ रुपैयाँ खुद नाफा कमाएको छ । यो नाफा गत वर्षको तुलनामा १०.७०% धेरै हो । गत वर्ष टेलिकमले ४ अर्ब ५ करोड ६५ लाख ३८ हजार ७४ रुपैयाँ खुद नाफा कमाएको थियो ।
कम्पनीको चुक्ता पुँजी १५ अर्ब रुपैयाँ छ । यसको जगेडा कोषमा ८७ अर्ब ९८ करोड ९३ लाख २५ हजार ७१५ रुपैयाँ रहेको छ । गत वर्ष रिजर्भ कोषमा ८१ अर्ब ५७ करोड रुपैयाँ रहेको थियो । कम्पनीको सेवा बिक्रीबाट कुल आम्दानी १० अर्ब ८५ करोड ४ लाख ५४ हजार रुपैयाँमा भएको छ । टेलिकमको प्रतिसेयर आम्दानी ११९ रुपैयाँ ७५ पैसा र प्रतिसेयर नेटवर्थ ६८६ रुपैयाँ ६० पैसा रहेको छ ।
