">
काठमाडौं – निर्माण व्यावसायी महासंघका तत्कालिन अध्यक्ष शरद गौचनको हत्यामा आरोपमा जेलमा रहेका गुन्डा नाइके समिरमान बस्नेतकी पत्नी माया शेरचन पक्राउ परेकी छिन । उनलाई स्वयम्भुको ठूलो भर्याङ क्षेत्रबाट आइतबार महानगरीय अपराध महाशाखाको टोलीले पक्राउ गरेको छ ।
बस्नेतलाई बन्दी प्रत्यक्षीकरणको रिट दायर गरी सर्वोच्च अदालतमा उपस्थित गराउनका लागि बस्नेतपत्नी माया शेरचन सक्रिय थिइन् । उनले पतिलाई इन्काउन्टर गर्नका लागि जेल स्थानान्तरण गरेको समेत बताएकी थिइन् । काठमाडौं जिल्ला अदालतले पुरक अभियोगपत्र पेश गर्नका लागि प्रहरीलाई अनुमति दिएको छ ।
गत महिना बस्नेतलाई नख्खु कारागारबाट गृह मन्त्रालयले मनाङ जेलमा स्थानान्तरण गरेको थियो । मायाले जेल स्थानान्तरण गर्नुको कारण पतिको इन्काउन्टर तयारी भएको भन्दै सर्वोच्च अदालतमा बन्दी प्रत्यक्षीकरणको रिट दायर गरेकी थिइन् ।
उक्त रिटमा सुनुवाई गर्दै न्यायाधीश दिपकराज जोशीको एकल इजलासले तीन दिन भित्र बस्नेतलाई सर्वोच्चमा उपस्थित गराउन आदेश समेत दिएको थियो ।
