काठमाडौं – भदौ ६ गतेदेखि लुम्बिनी विकास बैंकले ३ लाख ६२ हजार ३३६.४४ कित्ता संस्थापक सेयर लिलामी गर्ने भएको छ । बैंकले यसअघि पनि संस्थापक सेयर लिलामीमा ल्याएको थियो । तर त्यस बेला संस्थापक सेयरधनीले सबै सेयर नकिनेपछि अहिले सर्वसाधारणले पनि भर्न मिल्ने गरी लिलामी गर्न लागेको हो । यसमा भदौ २२ गतेसम्म आवेदन दिन सकिन्छ ।

लगानीकर्ताले बिक्री प्रबन्धक भिबोर क्यापिटल टे्रड टावर थापाथलि, काठमाडौंबाट बोलपत्र फारम लिन र बुझाउन सक्नेछन् । यसमा न्यूनतम १०० कित्तादेखि अधिकतम सबै कित्ताका लागि आवेदन दिन सकिन्छ । लिलामीको बोलपत्र भदौ २६ गते बिक्री प्रबन्धकको कार्यालयमा खोलिनेछ ।