">
- अर्थ सरोकार सम्बाददाता
काठमाडौँ- ज्योति बिकास बैंकले परिस्कृत वित्तीय विवरण सार्वजनिक गरेको छ । सार्वजनिक विवरण अनुसार
बैंकले आर्थिक वर्ष २०७४/७५ मा खूद नाफातर्फ ३३.५८ प्रतिशतको प्रगति गरेको छ । बैंकले समीक्षा अवधिमा ७६ करोड ५६ लाख खूद ब्याज आम्दानी गरेको छ भने नाफा ४८ करोड माथि पुर्याएको छ । यता २० करोड २१ लाखमा सीमित जगेडाकोषलाई बढाएर बैंकले ५१ करोड ५३ लाख पुर्याएको छ ।बैंकले रिजर्बमा १५४.८८ प्रतिशतको फड्को मारेको देखिएको छ ।
बैंकले जारी गरेको वित्तीय विवरण अनुसार समीक्षा अवधिमा ज्योति विकास बैंकले १९ अर्ब ५४ करोड निक्षेप संकलन गरी १६ अर्ब १० करोड कर्जा परिचालन गरेको छ । अघिल्लो वर्ष बैंकले १० अर्ब ५१ करोड निक्षेप संकलन गरी ९ अर्ब १३ करोड कर्जा परिचालन गरेको थियो । यता बैंकले समीक्षा अवधिमा बैंकले खराब कर्जालाई पनि घटाएको छ । अघिल्लो वर्षसम्म ०.९६ प्रतिशत रहेको यस्तो कर्जा घटेर ०.३६ प्रतिशत बनेको छ । बैंकको प्रतिसेयर आम्दानी बढेको छ । समीक्षा अवधिमा बैंकको प्रतिसेयर नेटवर्थ ११९.८७ रुपैयाँ र मूल्य आम्द्यानी अनुपात ११.९८ गुणा कायम भएको छ ।
बैंकले केहि समय अगाडीमात्र नयाँ सीईओ पाएको थियो । बैंकका डेपुटी सीईओ मनोज ज्ञवाली सीईओमा नियुक्त भएका थिए ।
