">
- अर्थ सरोकार सम्बाददाता
काठमाडौँ – एनआइसी एसिया बैंकले नेपाल फाइनान्सियल रिपोर्टिङ स्टान्डर्ड (एनएफआरएस) अनुरुप वित्तीय विवरण प्रकाशित गरेको छ । बैंकले मंगलबार यस्तो वित्तीय विवरण सार्वजनिक गरेसंगै एनआइसी एसिया एनएफआरएस विधिबाट वित्तीय विवरण प्रकाशित गर्ने देशकै पहिलो बैंक समेत बन्न सफल भएको छ ।
ठूलो खर्चका वावाजूत पनि एनआइसी एशियाले नाफा भने बढाएको छ । बैंकले समीक्षा अवधिमा १ अर्ब ५२ करोड खूद नाफा आर्जन गरेको हो । अघिल्लो वर्ष यस्तो नाफा १ अर्ब ४३ करोड रुपैयाँ रहेको थियो । अर्थ सरोकार डटकमसँग कुराकानी गर्दै बैंकका सीईओ रोशन न्यौपानेले साखा विस्तारमा ठूलो खर्च भएकाले नाफामा भने बैंक नम्बर वान बन्न नसकेको बताएका छन् । यस अलावा डिपोजिट, बिजनेश ग्रोथ लगायतका मामलामा बैंक नम्बर वान भएको दावी बैंकको छ ।
समीक्षा अवधिमा एनआइसी एशिया बैंकले १३ अर्ब २९ करोड रुपैयाँ ब्याजबाट आम्दानी गरेको छ । समीक्षा अवधिमा निकै बैंकले १ खर्ब ५१ अर्ब निक्षेप संकलन गरी १ खर्ब २१ अर्ब कर्जा परिचालन गरेको छ ।अघिल्लो वर्ष २१.५० रुपैयाँ रहेको प्रतिसेयर आम्दानी १८.९४ रुपैयाँ कायम भएको छ भने यो अवधिमा बैंकको प्रतिसेयर नेटवर्थ १५२.२४ रुपैयाँ र मूल्य आम्दानी अनुपात १६.६८ गुणा कायम भएको छ ।
