काठमाडौं – एनआईसी एसिया बैंकले कुनैपनि बाणिज्य बैंकको सेवा नपुगेका २७ स्थानीय तहहरुमा शाखा कार्यालयहरु संचालनमा ल्याएको छ ।

राज्यको पुर्नसंरचनासँगै सम्पुर्ण स्थानीय तहहरुमा वाणिज्य बैंकको शाखा सञ्जाल मार्फत उपस्थिति सुनिश्चित गर्ने नेपाल सरकारको नीति बमोजिम नेपाल राष्ट्र बैंकसँग यस बैंकले प्रतिबद्धता जनाएको ३४ वटा स्थानीय निकायहरुमध्ये २७ स्थानमा सेवा सुरु भएको हो ।

दुर्गम तथा ग्रामीण क्षेत्रहरुमा समेत आफ्नो पहुँच अभिबृद्धि गर्दै सम्पुर्ण तह तप्काका सर्वसाधारणको बैंकको रुपमा आफ्नो पहिचान बनाईरहेको ग्राहकहरुलाई उच्चस्तरीय सेवा दिंदै आईरहेको बैंकले जनाएको छ ।

बैंकको हालसम्म २१० वटा शाखा कार्यालय, २०३ एटिएम, ६ वटा एक्स्टेन्सन काउण्टर, ६ वटा शाखारहित बैंकिङ्ग एवं ५५०० भन्दा बढि रेमिटेन्स पे आउट एजेन्ट सहित मुलुककै सबैभन्दा ठूलो शाखा सञ्जाल भएको बैंकको रुपमा स्थापित भैसकेको छ ।