काठमाडौं – सूर्योदय लघुवित्त वित्तीय संस्थाले चालु आर्थिक वर्षको तेस्रो त्रैमासमा खुद नाफा २९.४८ % घटेर १ करोड ४४ लाख रुपैयाँ मात्र कमाएको छ । अघिल्लो वर्षको सोहि अवधिमा कम्पनीले २ करोड ५ लाख रुपैयाँ नाफा कमाएको थियो । खुद व्याज आम्दानी १७.३०% ले घटेर ४ करोड ३९ लाख रुपैयाँ पुगेको छ भने सञ्चालन नाफा ३१.२५% ले घटेर २ करोड २७ लाख रुपैयाँ पुगेको छ । कम्पनीको खुद व्याज आम्दानी र संचालन नाफा घटेको हुँदा खुद नाफा पनि घटेको हो ।

४ करोड ७६ लाख रुपैयाँ चुक्ता पुँजी भएको सूर्योदय लघुवित्तले जगेडाकोषमा ४ करोड ७८ लाख रुपैयाँ राखेको छ । निक्षेपमा ३५ करोड ६६ लाख रुपैयाँ संकलन गरेको छ । जसले कर्जामा ७८ करोड ५० लाख रुपैयाँ लगानी गरेको छ । जुन गत वर्षको तुलनाभन्दा ३०% ले वृद्धि गरेको हो । जसले प्रोभिजनमा ४९ लाख रुपैयाँ राखेको छ ।

सूर्योदय लघुवित्तको पूँजीकोष अनुपात ११.५१%, निष्कृय कर्जा १.१७%, प्रतिशेयर आम्दानी वार्षिक ४०.५५ रुपैयाँ, मुल्य आम्दानी अनुपात ३१.१७ गुणा, प्रतिशेयर नेटवर्थ २००.४७ रुपैयाँ र तरलता अनुपात १४.८०% रहेको छ ।