">
काठमाडौँ – गृहमन्त्री रामबहादुर थापा ‘बादल’ले पाँच वर्षभित्र सबै नेपाली नागरिकलाई राष्ट्रिय परिचय पत्र वितरण गरिसक्ने बताएका छन् ।
सोमबार गृहमन्त्रालयमा आयोजित कार्यक्रममा गृहमन्त्री थापाले गृह प्रशासनको नीतिगत तथा कानुनी सुधारका ८२ बुँदे कार्ययोजना सार्वजनिक गर्दै पूर्व परियोजनका रुपमा पाँचथरका १ लाख १० हजार नागरिक, सिंहदरबार भित्रका ७ हजार कर्मचारीलाई एक वर्षभित्र र सबै नागरिकलाई पाँच वर्षभित्र राष्ट्रिय परिचयपत्र वितरण गरिसक्ने बताएका हुन् ।
गृह प्रशासनको नीतिगत तथा कानुनी सुधारका लागि ल्याइएको ‘गृह प्रशासन सुधार कार्य योजना २०७४’ मा गृह प्रशासनका सबै अंगहरुलाई जनमुखी, नतिजामुखी, इमान्दार र राष्ट्रिय उद्देश्य प्राप्त गर्न सक्ने गरी परिचालन गर्ने, विश्वसनीय तथा प्रभावकारी सुरक्षा व्यवस्था काम गर्न सुरक्षा निकायलाई क्षमतावान र प्रविधिमैत्री बनाउँदै आधुनिकीकरण गर्ने लगायतका उद्देश्य राखिएको छ ।
त्यस्तै कारागारलाई श्रम, शिक्षा र स्वास्थ्य सुविधासहितको सुधार गृहको रुपमा विकास गर्ने खुला कारगार स्थापना गर्न विशेष कार्यक्र बनाइ लागू गर्ने कुरा कार्य योजनामा समावेश गरिएको छ ।
यसअघि शेरबहादुर देउवा सरकारका बेला गृहमन्त्री जनार्दन शर्माले जवाफदेही गृह प्रशासन, शान्ति सुरक्षा र प्रशासन नारा रहेको उक्त ८४ बुदें मार्गचित्र सार्वजनिक गरेका थिए ।
