सिद्धार्थ बैंकले दुर्गम जिल्लाका ग्रामीण क्षेत्रमा वित्तीय पहुँच पुर्याउने उद्देश्यले तीन स्थानमा शाखारहित बैंकिङ्ग सेवाको औपचारिक शुभारम्भ गरेको छ । बैंकले सुर्योदय नगरपालिका–०१ को गोर्खे बजार, लक्ष्मीपुरको सुकेपोखरी र गोदकको नारायण चोक सहित इलाममा तीन वटा शाखारहित सेवा सुचारु 

गरेको छ ।

गोर्खे बजार शाखारहित बैंकिङ्ग सेवाका उद्घाटन सुर्योदय नगरपालिका–०१ का वडा अध्यक्ष राज कुमार सेराङ्ग, लक्ष्मीपुर शाखारहित बैंकिङ्ग सेवाका उद्घाटन सुर्योदय नगरपालिका–१३ का वडा अध्यक्ष धन बहादुर राई र गोदक शाखारहित बैंकिङ्ग सेवाका उद्घाटन इलाम नगरपालिका–१० का वडा जेष्ठ नागरिक टेक बहादुर घिमिरेले गरेका थिए । शाखारहित सेवाबाट देशका विभिन्न ग्रामीण क्षेत्रका बासिन्दाले स्थानीय स्तरमै सहज रुपमा बैंकिङ्ग सेवा लिन सक्ने कुरामा बैंक विश्वस्त रहेको छ ।

३ वटा शाखारहित बैंकिङ्ग सेवासहित हालै बैंकले देशभर १०० वटा शाखा (३ एक्स्टेन्सन् काउन्टर सहित), ९९ शाखारहित बैंकिङ्ग सेवा, १०८ एटिएम र ६८७ पस मेसिन मार्फत् उच्चस्तरिय बैैकिङ्ग सेवा प्रदान गर्दै आएको छ । 

आर्थिक वर्ष २०७४÷०७५ को फाल्गुण मसान्तसम्म बैंकले कुल निक्षेप रु. ८७ अर्ब ५७ करोड र कर्जा लगानी रु.७९ अर्ब २९ करोड गरेको छ भने सोही अवधीमा बैंकले रु. १ अर्ब १३ करोड खुद मुनाफा आर्जन गर्न सक्षम भएको छ ।