काठमाडौँ – जापानको एउटा डिजिटल मनी एक्सचेन्जबाट करोडौं सम्पत्ति चोरी भएको छ । डिजिटल करेन्सी एक्सचेन्ज संसारमा सम्पत्ति आदान प्रदान गर्ने एउटा भर्चुएल माध्यम हो ।
प्रख्यात डिजिटल करेन्सी एक्सचेन्ज क्वाईनचेकको सिस्टम ह्याक गरी ५३ करोड डलरभन्दा बढी मूल्यको डिजिटल करेन्सी एन.ई.एम.चोरी भएको छ ।
छानबिन सुरु गरेको क्वाईनचेकले चोरी भएको डिजिटल करेन्सी फेला पार्ने प्रयास गरिरहेको छ कुन डिजिटल ठेगानामा करेन्सी पठाइएको छ भन्ने जानकारी आफूसँग रहेको कम्पनीको भनाई छ ।
क्वाईनचेकले तत्कालका लागि आफ्नो सम्पूर्ण कारोबार बन्द गरेको ह्याकरले नेटवर्कमा प्रवेश गरी करेन्सी चोरी गरेको ८ घण्टापछि मात्रै थाहा भएको बताइएको छ ।
सन् २०१४ मा पनि टोकियोस्थित अर्को डिजिटल करेन्सी एक्सचेन्ज एम्टीगक्सको नेटवर्कबाट ४० करोड अमेरिकी डलर चोरी भएको थियो ।
